பிரதான தொழிற்பாடுகள்
தெங்கு அபிவிருத்திச் சட்டத்தில் ஏற்பாடுகள் செய்யப்பட்டுள்ளவாறு அதகாரசபையின் தொழிற்பாடுகள் விரிவாக கீழே காட்டப்பட்டுள்ளன:
- தெங்கு கைத்தொழில் தொடர்பாகவும் தெங்குப் பயிர்ச் செய்கைகளிலும் அவற்றிற்கான கொள்கைகளைத் தயாரித்தல் மற்றும் அபிவிருத்தி முன்னுரிமைகளைத் தீர்மானித்தல் என்பவை தொடர்பாக அமைச்சருக்கு உதவுதல்.
- அவ்வாறு தீர்மானிக்கப்படுகின்ற அபிவிருத்தி முன்னுரிமைகளின் பிரகாரம் கருத்திட்டங்களையும் திட்டங்களையும் தயாரித்தல் அல்லது தயாரிப்பதற்கு உதவுதல்.
- அவ்வாறு தயாரிக்கப்படுகின்ற கருத்திட்டங்களையும் திட்டங்களையும் செயற்படுத்துதல் அல்லது செயற்படுத்துவதற்கு உதவுதல்.
- தெங்கு அபிவிருத்திச் சட்டத்தின் கீழ் அமைச்சரால் அமைக்கப்படுகின்ற சபையின் பணிகளை தொடர்புபடுத்துதல்.
தெங்கு அபிவிருத்திச் சட்டத்தின் 20வது உறுப்புரையில் காட்டப்பட்டுள்ளவகையில் தெ.அ.அ.யின் குறியிலக்கு, வர்த்தமானியில் வெளியிடப்பட்ட கட்டளையின் மூலம் அதிகாரசபையிடம் ஒப்படைக்கப்பட்டுள்ள அதேநேரத்தில், தொழில்நுட்ப செயற்பாடுகள், தெங்கு மற்றும் தெங்கு உற்பத்திகளை இந்நாட்டு சந்தைக்கும் ஏற்றுமதி சந்தைக்கும் அனுப்புதல் போன்றவை தொடர்பில் அனைத்து பணிகளையும் கண்காணிக்கும் பொறுப்பும் அபிவிருத்திச் செய்யும் பொறுப்பும் ஒப்படைக்கப்பட்டுள்ளது.
- தெங்குப் பொருட்களை உற்பத்தி செய்தல் மற்றும் உற்பத்தி செய்வதற்கு உதவுதல், மேம்படுத்துதல் மற்றும் ஒழுங்குபடுத்துதல்
- தெங்கு உற்பத்தியில் புதிய நுணுக்க முறை ஆக்கமுயற்சிகள்.
- தெங்குப் பொருட்களை உற்பத்தி செய்வதில் ஈடுபட்டுள்ள நிறுவனங்களின் வினைத்திறனை அதிகரிப்பதற்காக உதவுதல், நவீனமயப்படுத்துதல், மேம்படுத்துதல் மற்றும் அதற்கு ஆலோசனை வழங்குதல்
- இலங்கையில் உற்பத்தி செய்யப்படுகின்ற மற்றும் இலங்கையிலிருந்து ஏற்றுமதி செய்யப்படுகின்ற தெங்குப் பொருட்களின் தரம் தொடர்பான தரக்கட்டளையை தீர்மானித்தல் மற்றும் அவற்றைப் பேணுதல்.
- தெங்கு உற்பத்திகளைக் கொள்வனவு செய்தல் மற்றும் சந்தைப்படுத்தல் மற்றும் கொள்வனவு செய்வதையும் சந்தைப்படுத்துவதையும் ஒழுங்குபடுத்துதல், பொதுவாக தெங்கு உற்பத்திக்காகவும் தெங்கு உற்பத்திகள் மேற்கொள்ளப்படுகின்ற சிறு தென்னந்தோட்ட உரிமையாளர்களுக்காகவும் குறைந்தபட்ச மற்றும் கூடியபட்ச விலை முறையொன்றையும் விலையை நிலையாக வைத்திருக்கும் திட்டங்களையும் தயாரித்தல் அல்லது நடைமுறைப்படுத்துதல்
- தெங்கு உற்பத்திகளின் ஏற்றுமதி, இறக்குமதி மற்றும் அவற்றைப்போன்று ஏற்றுமதி விலைகளையும் இறக்குமதி விலைகளையும் ஒழுங்குபடுத்துதல்.
- மேம்பாட்டு பணிகளை விளம்பரம் செய்தல், ஆரம்பித்தல், நிதி வழங்குதல், உதவி வழங்குதல், கண்காணித்தல் என்பவற்றின் மூலம் இலங்கையிலும் அதற்கு வெளியிலும் தெங்கு உற்பத்திக்கான கேள்வியைப் பேணுதல், மேம்படுத்துதல், உருவாக்குதல், விற்பனைக் கூடங்களையும் முகவர் வர்த்தக நிலையங்களையும் அமைத்தல், முகாமைப்படுத்தல், கண்காணித்தல் என்பவற்றின் மூலமும், கண்காட்சி கூடங்களையும் விற்பனைக் கூடங்களையும் ஒழுங்குசெய்வதன் மூலம் அவற்றிற்கு உதவுவதன் மூலமும், கலந்து கொள்வதன் மூலமும், தேவைப்படும் ஏனைய செயல்முறைகளின் மூலமும் பராமரிப்பு பணிகளை மேற்கொள்தல்.
- இலங்கையிலும் அதற்கு வெளியிலும் தெங்கு உற்பத்திகளை கொண்டு செல்வதற்கு சந்தைப்படுத்துவதற்கு உரிய அனைத்து பிரிவுகள் தொடர்பில் சந்தைகளை ஆய்வு செய்தல்.
- தெங்கு பயிர் செய்தல் மற்றும் தெங்கு உற்பத்திகளைத் தயாரிக்கின்ற அல்லது விற்பனை செய்கின்ற நிறுவனங்களின் முகாமைத்துவம் மற்றும் உரிமை தொடர்பாக கூட்டுறவு மற்றும் கூட்டுமுறைகளை மேம்படுத்துதல்.
1980 ஆம் ஆண்டின் இறுதிப்பகுதியில் தெங்கு வர்த்தகம் தாராளமாயமாக வந்தது முதல் அதிகாரசபையின் பிரதான கடமைகள், ஏற்றுமதி பிரிவில் விசேட கவனம் செலுத்தும் வகையில் பரிசீலனை மற்றும் சந்தைப்படுத்தல் பிரிவை மேம்படுத்தல், அபிவிருத்தி செய்வதற்கான கொள்கைகளையும் நிகழ்ச்சித் திட்டங்களையும் நிறைவேற்றுதல், மற்றும் செயற்படுத்துதல் என்பவற்றை இலக்காகக் கொண்டிருந்தன.
தெங்கு கைத்தொழிலை அபிவிருத்தி செய்வதோடு தொடர்புடைய கொள்கைரீதியான விடயங்களைத் தீர்மானிப்பதற்கு தெங்கு அபிவிருத்தி அமைச்சுக்கு உதவும் பொருட்டு தெ.அ.அ. அமைச்சுடன் நெருங்கிய தொடர்புடன் செயலாற்றியது. அவ்விடயங்கள் பின்வருமாறு அமைகிறது.
- தெங்கு கைத்தொழிலை அபிவிருத்தி செய்யும் முன்னுரிமைகளை அடையாளம் காணுதல் அதாவது தெங்கு ஆராய்ச்சி, தெங்கு பயிரிடல், பரிசீலனை செய்தல், தேங்காய் மற்றும் தெங்கு உற்பத்திகளை சந்தைப்படுத்தல்.
- முன்னுரிமைகளை அடிப்படையாகக் கொண்ட முன்மாதிரியின்மீது தெங்கு கைத்தொழிலின் அனைத்து அபிவிருத்தி கருத்திடடங்களுக்குமான செஸ் நிதியங்களை ஒதுக்கிக் கொடுத்தல்.
- தேங்காயை அடிப்படையாகக் கொண்ட உற்பத்திகளையும் காய்கறி எண்ணெய் போன்ற பதிலீடுகளுக்காக இறக்குமதி தீர்வைகளை விதித்தல்.
- இந்நாட்டில் நுகர்வதற்கும் கைத்தொழில் நடைமுறைகளுக்கும் தெங்கு மற்றும் தெங்கு சார்ந்த உற்பத்திகள் தொடர்பான கேள்விகள், வழங்கல்கள், விலை விபரங்கள் என்பவற்றை முகாமைப்படுத்தல்.